حکومەت،باجێکی نوێ دەخاتەسەر هاوڵاتیان
(0) /
ڕوانگە - ئەنجومەنی وەزیرانی حکومەتی هەرێم بڕی 5% باج دەخاتە سەر پسوڵەی نەخۆشخانە تایبەتیەکان و ئەمەش بارگرانییەکی زۆر دەخاتە سەر شانی نەخۆش.
عومر عبداللە فتاح، ئەندامی لیژنەی دارایی لە خولی پێنجەمی پەڕلەمانی کوردستان، بۆ ڕوانگە، ڕایگەیاند:" لە هەندێک نەخۆشحانەی تایبەتدا ئەم باجە ڕاستەوخۆ خراوەتەسەر پسوڵەی نەخۆشخانەکە و لە هەندێکی دیکەشیاندا ڕاستەوخۆ نایخەنە سەرپسوڵەکە، بەڵکو ئەوباجە لەکۆی داهاتی ڕۆژانەی نەخۆشخانەکەی وەردەگرن، ئەمەش وادەکات نەخۆشخانەکان نرخی تێچوی خزمەتگوزاریەکان زیادبکەن بۆئەوەی ئەوەی لەو ڕێگەیەوە ئەو بڕە باجەبدەن.
وتیشی:" کاتێک نەخۆشێک دەچێتە یەکێک لەو نەخۆشخانانە هەندێک پشکنینی بۆدەکرێت، یەکێک لەو بڕەپارەیەی کە لێی وەردەگیرێت، ئەو بڕە باجەیە، واتا ئەگەر نەخۆشێک لە نەخۆشحانەیەکدا 1 ملیۆن دینار خەرجبکات ئەوا 50 هەزار دیناری بڕی ئەو باجەیە کە زیادکراوە.
عومر عبداللە فتاح، ڕونیشیکردەوە:" ئەم باجە کارێکی تەواو نایاساییە و بەتەواوەتی پێچەوانەی دەستوورە.
عومر عبداللە فتاح، ئەندامی لیژنەی دارایی لە خولی پێنجەمی پەڕلەمانی کوردستان، باسی لەوەشکرد:" حکومەت جۆرە باجێکی دیکە لە نەخۆشخانەکان وەردەگرێت ئەویش باجی قازانجی ساڵانەیە ئەم جۆرە باجەیان یاساییە، بەڵام ئەوباجەی کە ڕۆژانە لە ڕێگەی پسوڵە نەخۆشانەکانەوە وەردەگیرێت تەواو نایاساییە
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: