قوباد تاڵەبانی سەردانی بەغدا دەکاتەوە
(0) /
جێگری سەرۆکی حکومەتی هەرێمی کوردستان ڕایگەیاند کە هەرێم پابەندی یاسای بودجەی ساڵی 2021 ی عێراق دەمێنێتەوە.
قوباد تاڵەبانی لە میانەی چاوپێکەوتنی جنین هنیس پلاسخارت نێردەی تایبەتی نەتەوە یەکگرتووەکان لە عێراق وتی کە پێویستە هەولێر و بەغدا پەیوەندییەکی تەندرووست و باشتر لە نێوانیاندا هەبێت.
قوباد تاڵەبانی جەختی لە سەر پابەندبوونی حکومەتی هەرێم بە یاسای بودجەی عێراق کردەوە و ڕایگەیاند کە لە داهاتوویەکی نزیکدا لە سەر ئەم پرسە سەردانی بەغدا دەکەینەوە.
ناوبراو سەبارەت بە هەڵبژاردنەکانی عێراقیش داوایکرد کە ڕێکخراوی نەتەوە یەکگرتووەکان لە چاودێریکردنی پرۆسەکە ڕۆڵی خۆی ببینێت./.
تێبينيێك بنێرە: