ئەنجومەنی نوێنەرانی عێراق خوێندنەوەی یەكەم بۆ هەمواری یاسای باری كەسێتی دەکات
(0) /
ڕوانگە - ئەنجومەنی نوێنەران لە كۆبوونەوەدایە و خوێندنەوەی یەكەم بۆ هەمواری یاسای باری كەسێتی دەکرێت.
ئەنجومەنی نوێنەرانی عێراق لە كۆبوونەوەدایە و یەكێك لە تەوەرەكانی كۆبوونەوەكە هەمواری یاسای لێبوردنی گشتییە و تەوەرێكی دیكەش زیادكراوە كە تایبەتە بە هەمواری یاسای باری كەسێتی.
كۆبوونەوەكە بە ئامادەبوونی ١٧٢ ئەندامی ئەنجومەنی نوێنەران بەڕێوەدەچێت و بەپێی فەرمانگەی ڕاگەیاندنی ئەنجومەنی نوێنەران، ئەنجومەنەكە خوێندنەوە بۆ چوار تەوەر دەكات، كە خوێندنەوەی یەكەم بۆ هەمواری یاسای لێبوردنی گشتی و خوێندنەوە بۆ پڕۆژە یاسای بەشداریكردنی عێراق لە ڕێككەوتنی پیشانگا نێودەوڵەتییەكان لە پاریس دەكرێت،
هەروەها هەر لە كۆبوونەوەی ئەمڕۆدا خوێندنەوەی دووەم بۆ هەمواری یاسای پارێزەران و بەدەستهێنانی زانیاری و ڕێككەوتنی نێوان عێراق و سوریا لە بواری ئاسمانیدا دەكرێت.
كەمێك لەمەوبەر تەوەرێكی دیكە بۆ كۆبوونەوەكە زیاد كراوە، كە خوێندنەوەی یەكەم بۆ ڕەشنوسی هەمواری یاسای باری كەسێتییە، چونكە بەشێك لە فراكسیۆنەكان ڕازی نین لەسەر هەمواركردنەكە.
تێبينيێك بنێرە: