تۆمەتبارێک دەستگیرکرا
(0) /
ڕوانگە - به‌تۆمه‌تی دزیكردن له‌چێشتخانه‌یه‌ك‌و دزینی بڕێك پاره‌و چه‌ندین كه‌لوپه‌لی جۆراوجۆر، مەفرەزەكانی نوسینگەی ڕۆژئاوای به‌شی پۆلیسی نەهێشتنی تاوان تۆمه‌تبارێكیان ده‌ستگیركرد.
بەڕێوەبەرایەتی پۆلیسی پارێزگای سلێمانی، ڕایگەیاند:"
دوای ئه‌وه‌ی هاوڵاتییه‌ك سكاڵای یاسایی تۆماركرد كه دزی له‌چێشتخانه‌كه‌ی كراوه‌و بڕی 4 ملیۆن‌و 800 هه‌زار دینارو كۆمپیوته‌رێك‌و ماتۆڕی ئاوو چه‌ند كه‌لوپه‌لێكی تری لێ دزراوه، دوای وه‌رگرتنی بڕیاری به‌ڕێز دادوه‌ر، ده‌ستبه‌جێ هێزه‌كانی پۆلیس لێكۆڵینه‌وه‌كانیان بۆ دۆزینه‌وه‌و ده‌ستگیركردنی تۆمه‌تبار ده‌ستپێكرد.
بەڕێوەبەرایەتی پۆلیسی پارێزگای سلێمانی، ڕونیشی کردەوە:"
دوای گه‌یشتنه ئه‌نجامی لێكۆڵینه‌وه‌كان، توانرا تۆمه‌تبار له‌لایه‌ن مەفرەزەكانی نوسینگەی ڕۆژئاوای به‌شی پۆلیسی نەهێشتنی تاوانه‌وه بدۆزرێته‌وه‌و ده‌ستگیربكرێت.
بەڕێوەبەرایەتی پۆلیسی پارێزگای سلێمانی، ئاشکرایشیکرد:"
له‌ئێستادا تۆمه‌تبار (س، ع، ع) له‌دایكبووی 1976 به‌بڕیاری به‌ڕێز دادوه‌رو به‌پێی مادده‌ی 443 له‌یاسای سزادانی عێراقی ڕاگیراوه، هه‌روه‌ها تۆمه‌تبار پێشینەی تاوانی دزیکردنی هەیەو له‌چه‌ند بنكه‌یه‌كی تری پۆلیس داواکراوە.
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: