عامری داوای دادگاییکردنی سەرۆک و ئەندامانی کۆمیسیۆنی باڵای هەڵبژاردنەکانی عێراق دەکات
(0) /
سەرۆکی هاوپەیمانی فەتح داوایکردووە کە سەرۆک و ئەندامانی کۆمیسیۆنی باڵای هەڵبژاردنەکانی عێراق بە تۆمەتی ساختەکاری و دەستکاریکردنی دەنگەکان دادگایی بکرێن.
ناوبراو لە نامەیەکدا بۆ داواکاری گشتی عێراق، کۆمیسیۆنی باڵای هەڵبژاردنەکانی بە ئەنجامدانی تاوان لە دژی هەندێک لە لایەنە سیاسییەکان و کاندیدە سەربەخۆکان و هەروەها ساختەکاری و لەبەرچاونەگرتنی یاسای هەڵبژاردنەکان تۆمەتبار کردووە.
عامری ئاماژەی بە 22 خاڵ لە ساختەکاری و پێشێلکردنی یاسای هەڵبژاردنەکانی عێراق داوە و وێڕای داوای دادگاییکردنی سەرۆک و ئەندامانی کۆمیسیۆن، جەختی لە سەر هەڵوێستی خۆی بۆ هەژمارکردنەوەی دەستیی دەنگەکان کردووەتەوە./.
تێبينيێك بنێرە: