پەیامێک لە مامۆستایانی ئائینییەوە بۆ هێزە ئەمنییەکان

ژمارەیەک لە مامۆستایانی ئائینی پەیامێکیان ئاراستەی هێزە ئەمنییەکانی کوردستان کرد.

ئەوان لە پەیامەکەیاندا ڕایانگەیاندووە کە نیشتمانی کارەکەتان بەرپرسیاریەتییە لە ڕۆژی دوایی، لە دونیاش پشتگیری زاڵم و ستەمکار نەکەن.

لە بەشێکی دیکەی پەیامەکەی مامۆستایانی ئائینیدا هاتووە کە ئاگاداری ڕووداوەکانی ئەم دواییەی هەرێمی کوردستانین، ئاماژەی زۆر ترسناک لە سەر ڕەوشی ئێستای هەرێمەکەمان هەیە، قات و قوڕی و نەبوونی مووچە و کۆمەڵە گرفتێکی دیکە وەک نەبوونی خزمەتگوزارییەکان ڕووی لە خەڵک و جەماوەر کردووە.

ئەوان ڕایانگەیاندووە کە خەڵک بێتاقەت و بێزار بوون و ئەمەش هۆکاری کۆچکردنی گەنجانە و مردنیان لە سەر سنور و بەحرەکان.

ئەو مامۆستایانە داواکاری خوێندکارانیان بە ڕاست و ڕەوا ناو بردووە و داوایان لە دەسەڵاتدارانی هەرێمی کوردستانیش کردووە کە داواکارییەکانی ئەوان جێبەجێ بکەن، بەر لەوەی کە دۆخەکە تێک بچێت./.