عێراق گرێبەستێکی کڕینی درۆنی لە گەڵ پاکستان واژۆ کرد
(0) /
چەند سەرچاوەیەکی ئاگادار ڕایانگەیاند کە عێراق بە ئامانجی کڕینی درۆنی سەربازی، گرێبەستێکی لە گەڵ کۆمپانیایەکی پاکستانی واژۆ کردووە.
بە وتەی سەرچاوەکان، ئەو درۆنانە تایبەتمەندی شەڕی ئەلیکترۆنی و سیستەمی پەیوەندیی پێشکەوتوویان هەیە.
درۆنەکان بڕیارە بۆ پاراستنی بنکە سەربازییەکانی سوپای عێراق، ناوچەی سەوز و فڕۆکەخانەی نێودەوڵەتی بەغدا بەکار بهێندرێن.
چەند سەرچاوەیەکی باڵای سەربازی عێراق کانوونی یەکەمی 2021 ڕایانگەیاند کە ئەنجومەنی وەزیرانی ئەم وڵاتە بودجەیەکی 100 ملیۆن دۆلاریی بۆ کڕینی درۆن لە تورکیا پەسەند کردووە./.
تێبينيێك بنێرە: