مەکرۆن چەند داوایەکی لە پوتین کردووە
(0) /
سەرۆک کۆماری فەرەنسا لە پەیوەندییەکی تەلەفوونیدا داوای لە سەرۆک کۆماری ڕووسیا کردووە کە هێرشەکانی وڵاتەکەی بۆ سەر ناوچەکانی نیشتەجێبوون و ژێرخانی مەدەنی و ڕێگاوبانەکانی ئۆکرانیا ڕابگرێت.
ئیمانۆیل مەکرۆن بە تەلەفوون داوای لە ڤلادیمیر پوتین کردووە کە هێرشەکان بۆ سەر ئۆکرانیا ڕابگیرێت و دەستبەجێ ئاگربەستیش ڕابگەێنێت.
سەرۆک کۆماری ڕووسیا لە وەڵامدا جەختیکردووەتەوە کە ڕێکەوتنێکی گونجاو بۆ مسۆگەرکردنی بەرژەوەندییە ئەمنییە ڕەواکانی مۆسکۆ دەتوانێت ئەم کێشەیە تەواو بکات.
پوتین ڕایگەیاندووە کە دەبێت ئۆکرانیا چەکی داماڵێت و وڵاتێکی بێ لایەن بێت و دەسەڵاتی ڕووسیاش بە سەر هەرێمی کرێمە بە فەرمی بناسێت./.
تێبينيێك بنێرە: