مەسرور بارزانی داوای پارە لە بەغدا دەکات
(0) /
سەرۆکی حکومەتی هەرێمی کوردستان بە بۆنەی ڕۆژی جیهانی پەنابەرانەوە پەیامێکی بڵاو کردەوە و داوای لە حکومەتی ناوەندی عێراق و هاوپەیمانان کرد بۆ یارمەتیدانی زیاتری پەنابەران بڕی یەک ملیار و 500 ملیۆن دۆلار هاوکاری هەرێم بکرێت.
ناوبراو لە پەیامەکەیدا ڕایگەیاندووە کە توندووتیژی و چەوساندنەوە لە عێراق و سوریا بووەتە هۆی ئەوەی کە ژمارەیەکی زۆر لە خەڵک ماڵەکانیان بە جێ بێڵن.
مەسرور بارزانی ڕایگەیاندووە کە زۆربەی ئەو کەسانەش لە هەرێمی کوردستانن و وەک پەناگە بۆ ئەوان دەمێنێتەوە.
ڕاشیگەیاندووە کە بۆ یارمەتیدانی ئەو پەنابەرانە ساڵانە پێویست بەو بڕە پارەیە دەکات تا پێداویستییەکانیان بۆ دابین بکرێت./.
تێبينيێك بنێرە: