وادەی کۆبوونەوەی پارتی و یەکێتی ئاشکرا بوو
(0) /
ئەندامێکی مەکتەبی سیاسی یەکێتی نیشتمانی کوردستان ڕایگەیاند کە حیزبەکەی و پارتی دیمۆکراتی کوردستان هەفتەی داهاتوو کۆدەبنەوە.
سەعدی ئەحمەد پیرە لە چاوپێکەوتنێکی تەلەفزیۆنیدا ڕایگەیاند کە گرژییەکانی نێوان پارتی و یەکێتی بەرەو خاوبوونەوە دەڕۆن و بڕیارە هەفتەی داهاتوو هەر دوو لا کۆببنەوە بەڵام تا ئێستا کات و شوێنی ئەو کۆبوونەوە دیاری نەکراوە.
ناوبراو وتی کە تیمە هاوبەشەکانی پارتی و یەکێتی سەرقاڵی ئامادەسازی و ڕێگا خۆشکردنن بۆ کۆبوونەوەی فەرمی نێوانیان.
سەعدی ئەحمەد پیرە وتی کە تا ئێستا دیار نییە کۆبوونەوەی نێوان پارتی و یەکێتی لە ئاستی هەر دوو سەرۆکی حیزب یان مەکتەب سیاسییەکان دەبێت./.
تێبينيێك بنێرە: