ناوەڕۆکی ڕێکەوتنی حەوت لایەنی سیاسی لە سەر دۆسیەی هەڵبژاردنەکان

Mar 11, 2023

حەوت لایەنی سیاسی هەرێمی کوردستان لە کۆبوونەوەیەکدا لە شاری سلێمانی لە سەر چەندین خاڵی تایبەت بە هەڵبژاردنەکانی پەرلەمانی کوردستان گەیشتنە ڕێکەوتن.

ئەو حەوت لایەنە بریتین لە: یەکێتی نیشتمانی کوردستان، پارتی دیمۆکراتی کوردستان، بزوتنەوەی گۆڕان، کۆمەڵی دادگەریی کوردستان، یەکگرتووی ئیسلامی کوردستان، حزبی شیوعی و پارتی کرێکاران و ڕەنجدەرانی کوردستان.

ناوەڕۆکی ڕێکەوتنەکەش بەم شێوازەیە:

سیستەمی هەڵبژاردنەکان بە پێی پارێزگاکانی هەرێم 4 بازنەیی دەبێت.

تۆماری بایۆمەتری کۆمیسیۆنی سەربەخۆی هەڵبژاردنەکانی عێراق بکرێتە بنەما بە هەموو پێداویستییەکانیەوە.

داتاکانی وەزارەتی پلاندانانی عێراق بەکار دێت بۆ دیاریکردنی ڕێژەی کورسی پارێزگاکان.

کاراکردنەوەی کۆمیسیۆنی هەڵبژاردنەکان و ڕاپرسی هەرێم.

سەرۆکی پەرلەمان و سەرۆکی فراکسیۆنەکان کۆبوونەوەیەک لە گەڵ نوێنەرانی پێکهاتەکان لە ناوەوە و دەرەوەی پەرلەمان ئەنجام بدەن./.