ئێران وتووێژەکانی لە گەڵ یەکێتی ئەورووپا هەڵپەسارد
(0) /
وتەبێژی وەزارەتی دەرەوەی ئێران ڕایگەیاند کە تاران وتووێژەکانی لە گەڵ یەکێتی ئەورووپا بە تایبەت وتووێژەکانی تایبەت بە مافی مرۆڤی هەڵپەساردووە و چۆنیەتی وەڵامدانەوەی سزای بەرامبەریش تاوتوێ دەکات.
سەعید خەتیب زادە لە کاردانەوەی بەرامبەر بە بڕیاری سزادانی 8 گەورە بەرپرسی سەربازی ئێران لە لایەن یەکێتی ئەورووپاوە، وتی کە تاران ئەم بڕیارە بە توندی ئیدانە دەکات و هیچ بایەخێکی بۆ دانانێت.
ناوبراو وتی: بێگومان بڕیاری لەم شێوەیە لە لایەن ئەوانەی بە درۆوە بانگەشەی مافی مرۆڤ دەکەن، ئامانجێکی سیاسیی لە پشتەوەیە و لە بەرامبەر پێشێلکردنی مافی گەلی ئێران نەک تەنیا بێدەنگییان هەڵبژاردووە بەڵکوو بوونەتە هاوڕێی و پاڵپشتیشیان لێکردووە.
وتەبێژی وەزارەتی دەرەوەی ئێران وتی: تاران وتووێژەکانی لە گەڵ یەکێتی ئەورووپا بە تایبەت لە بوارەکانی مافی مرۆڤ، تیرۆریزم، پەنابەران و مادە هۆشبەرەکان ڕاگرتووە.
وتیشی کە چۆنیەتی سزادانی بەرامبەر بڕیارەکەی یەکێتی ئەورووپا لە لایەن ئێرانەوە تاوتوێ دەکرێت./.
تێبينيێك بنێرە: