عێراق باڵیۆزی سوید دەردەکات
(0) /
حکومەتی عێراق لە کۆتایی کۆبوونەوەی نائاسایی ئەمڕۆی خۆی، پاش هێرشی ژمارەیەک لە هاووڵاتیانی ئەم وڵاتە بۆ سەر باڵیۆزخانەی سوید لە بەغدا لە کاردانەوەیان بەرامبەر بە بێڕێزیکردن بە قورئانی پیرۆز، لە بەیاننامەیەکدا داوای لە باڵیۆزی سوید کرد خاکی عێراق بە جێ بێڵێت.
محەممەد شیاع سودانی سەرۆک وەزیرانی عێراق لە کۆبوونەوەی ئەنجومەنی وەزیراندا داوای لە وەزارەتی دەرەوەی وڵاتەکەی کرد لە زووترین کاتدا باڵیۆزی سوید بەغدا بە جێ بێڵێت.
پێشتریش وەزیری دەرەوەی سوید حکومەتی عێراقی بەوە تۆمەتبار کردبوو کە لە پاراستنی باڵیۆزخانە و نوێنەرایەتییە بیانییەکاندا لاوازە.
بەرپرسێکی حکومەتی عێراقیش پێشتر ڕایگەیاندبوو کە ئەگەر حکومەتی سوید دووبارە موڵەتی سووتاندنی قورئانی پیرۆز دەربکات، بەغدا کۆتایی بە پەیوەندییەکانی لە گەڵ ئەو وڵاتە دێنێت.
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: