بایدن: دیمۆکراسی لە مەترسیدایە و بەشداری لە هەڵبژاردنەکاندا دەکەم

Sep 19, 2023

سەرۆک کۆماری ئەمریکا لە میانەی سەردانەکەی بۆ نیۆیۆرک بە لایەنگرانی ڕاگەیاند کە بە هۆی ترەمپەوە دیمۆکراسی لە مەترسیدایە و دیسانەوە بەشداری لە هەڵبژاردنەکانی ساڵی 2024 دەکات.

جۆبایدن سەرۆک کۆماری ئەمریکا کە هەوڵی پاڵپشتی دارایی بۆ کەمپینی هەڵبژاردنەکانی دەدات، لە نیۆیۆرک وەڵامی ئەوانەی دایەوە کە بە هۆی تەمەنەوە ڕەخنەی لێدەگرن و وتی کە بەشداری لە هەڵبژاردنەکانی ساڵی 2024 دەکەم لە بەر ئەوەی کە ترەمپ دیمۆکراسی ئەمریکای خستووەتە مەترسییەوە.

بایدنی تەمەن 80 ساڵە کە هەروەها بۆ چاوپێکەوتنی سەرکردەکانی جیهان لە پەراوێزی کۆڕی گشتی ڕێکخراوی نەتەوە یەکگرتووەکان سەردانی نیۆیۆرکی کردووە، بە لایەنگرانی ڕاگەیاند کە لە نیگەرانی خەڵک بۆ بەرزبوونەوەی تەمەنی تێدەگات بەڵام بڕیاری ئەوە دراوە کە لە هەڵبژاردنەکاندا بەشداری بکات.

بایدن وتی کە گومان لەوەدا نییە ترەمپ و کۆماریخوازەکان دەیانەوێت دیمۆکراسی لە ئەمریکا لە ناو ببەن.