ئاستی ئاوی بەنداوی دەربەندیخان بەشێوەیەکی بەرچاو زیادی کردووە
(0) /
ڕوانگە ـ بەراورد بە چەند ساڵی ڕبردوو لەم ساڵدا ئاستی ئاوی بەنداوی دەربەندیخان بە ڕێژەیەکی بەرچاو زیادی کردووە.
ڕەحمان خانی بەڕێوەبەری گشتی بەنداوەکان ڕایگەیاند: ئاستی ئاوی بەنداوی دەربەندیخان لەمساڵدا بەراورد بەساڵی پار
١٤ مەتر زیادی کردووە
بەڕێوەبەری گشتی بەنداوەکان وتیشی: لە ئێستادا تەنها ٤ مەتری ماوە بۆ ئەوەی بەنداوەکە بەتەواوەتی پڕبێت و بگاتە ئاستی سەرڕێژبوون.
ڕەحمان خانی بەڕێوەبەری گشتی بەنداوەکان ڕونیشی کردەوە: لە دوای ساڵی ٢٠١٩ وە ئاستی ئاوی بەنداوی دەربەندیخان نەگەیشتۆتە ئەم ئاستەی ئێستا
بەنداوی دەربەندیخان دووەم گەورەترین بەنداوی هەرێمی کوردستانە و توانای گلدانەوەی زیاتر لە سێ ملیار مەتر سێجا ئاوی هەیە.
تێبينيێك بنێرە: