ڤیستیڤاڵی شانۆی سەرشەقام لە کەرکوک بەڕێوە دەچێت

ڕوانگە - بە بەشداری شازدە وڵاتی جیاجیا، خولی هەشتەمی ڤیستیڤاڵی شانۆی سەرشەقام لە شاری کەرکوک بەڕێوەدەچێت. وتەبێژی ڤیستیڤاڵەکەش ڕایدەگەیەنێت:" ڤیستیڤاڵەکە بە بەشداری هەریەکە لە وڵاتانی ئێران ، تونس، تورکیا ، یابان ،  ئیسپانیا و شارەکانی عێراق و  کۆمەڵێک وڵاتی دیکە بەڕێوە دەچێت و وە  چەند شوێنێک دیاریکراوە بۆ ئەنجامدانی چالاکیەکان.

سیروان عومەر، وتەبێژی ڤیستیڤاڵەکە بۆ ڕوانگە ڕایگەیاند:" ڤیستیڤاڵەکە کاتژمێر 2ـی پاشنیوەڕۆی ڕۆژی شەممە  2024/10/2 دەستپێدەکات و ماوەی سێ ڕۆژ دەخایەنێت، ئاماژەی بەوەشکرد:  ڤیستیڤاڵەکە بەکەژاوەیەکی تایبەت  لەبەردەم پارێزگای کۆنەوە دەست پێدەکات، هەروەها لەناو ڤیستیڤاڵەکەدا دوو نمایش ئەنجامدەدرێت کە هەردووکیان لە چوارچێوەی ڤستیڤاڵەکەدان، لەگەڵ ئەوەشدا گروپێکی مۆسیقا و هەڵپەڕکێ چالاکی خۆیان پێشکەدەکەن تا دەگەنە هۆڵی "بۆلیڤار" لەوێ مەراسیمی دەستپێکردنی ڤێستیڤاڵەکە دەستپێدەکات.

وتیشی:" ڤیستیڤاڵەکە بە بەشداری هەریەکە لە وڵاتانی ئێران ، تونس، تورکیا ، یابان ،  ئیسپانیا و شارەکانی عێراق و  کۆمەڵێک وڵاتی دیکە بەڕێوە دەچێت و وە  چەند شوێنێک دیاریکراوە بۆ ئەنجامدانی چالاکیەکان.

سیروان عومەر، ئاشکرایشیکرد:" بەمەبەستی بەشداریکردن لە ڤیستیڤاڵەکە،  نزیکەی 80 وڵات سیڤی خۆیان ناردبوو بۆ بەشداریکردن، بەڵام لەڕێگای لیژنەیەکی تایبەتەوە تەنها 16 بەرهەم دەستنیشانکراوە بۆئەوەی نمایشبکرێت. 

سیروان عومەر، وتەبێژی ڤیستیڤاڵەکە، ڕونیشیکردەوە:" ئەمساڵ گۆڕانکاری له نمایشەکاندا کراوە، چونکە ئەمساڵ تەنها شانۆی گەوران نمایشناکرێت، بەڵکو شانۆی منداڵانیش نمایش دەکرێت.