رێککەوتننامەی هاوبەشی نێوان وەزارەتی پەروەردەو وەزارەتی تەکنەلۆجیا و زانیاری لە وڵاتی ئیمارات واژۆکرا
(0) /
ڕوانگە - بە مەبەستی خزمەتکردن و بەرەوپێشبردنی کەرتی پەروەردە لە هەرێمی کوردستان دوێنێ دووشەممە ئالان حەمەسەعید ساڵح " وەزیری پەروەردەی حکومەتی هەرێمی کوردستان، بە ئامادەبوونی راوێژکاران و بەرێوەبەری گشتیی پلاندانان لە وەزارەت، پێشوازی لەبەڕێز "ئەحمەد ئەلزاهری" کۆنسوڵی گشتیی ئیمارات لە هەولێر کرد.
لەدیدارێکدا باس لەهەماهەنگی نێوان وەزارەتی پەروەردە و کۆنسوڵخانەی ئیمارات کرا، دواتر لەرێگەی ئۆنڵاین بەئامادەبوونی "عمر بن سلطان العلماء" وەزیری دەوڵەت بۆ زیرەکی دەستکرد و ئابووری دیجیتاڵی و جێبەجێکردنی کار لەدورەوە و سەرۆکی ئەنجومەنی کارگێری قوتابخانەی دیجیتاڵی، رێککەوتننامەی هاوبەشی نێوان وەزارەتی پەروەردە و وەزارەتی تەکنەلۆجیا و زانیاری لەوڵاتی ئیمارات و قوتابخانەی دیجیتاڵی واژۆکرا ، به مەبەستی ئامانجێكی هاوبەش كە بريتيه له بەرزكردنەوە و باشتركردنی ئاستی فێربوون و فێركردنی زیاتر و ڕاهێنان بۆ مامۆستایان و قوتابیان .
جێگەی ئاماژە پێکردنە قوتابخانەی دیجیتاڵی بۆ دەستپێکردنی پلاتفۆرمی نوێی فێربوونی دیجیتاڵی دامەزراوە بە ئامانجی داڕشتنی داهاتووی پەروەردەی جیهانی لەڕێگەی بەکارهێنانی تەکنەڵۆژیای مۆدێرن بۆ فراوانکردنی دەرفەتەکانی خوێندن بەشێوەی دیجیتاڵی.
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: