کار بۆ قەرەبوکردنەوەی هاوڵاتیانی هەرێمی کوردستان دەکرێت

ڕوانگه ـ ئەندامێکی پەڕلەمانی عێراق، لە فراکسیۆنی یەکێتی ئاماژە بەوەدەکات: ئەندامانی  فراکسیۆنەکەیان لە پەڕلەمانی عێراق، لە هەوڵی ئەوەدان کە  پرۆژەیاسای زیانلێکەوتوانی دەستی بەعس هاوڵاتیانی هەرێمیش بگرێتەوە

سروە محەمەد ڕەشید ئەندامی پەرلەمانی عێراق ڕایگەیاند : فڕاکسیۆنی یەکێتی لە پەڕلەمانی عێراق،  کار  بۆ ئەوە دەکات پڕۆژە یاسای قەرەبوو کردنەوەی زیانلێکەوتوانی دەستی ڕژێمی بەعس، هاوڵاتیانی هەرێمی کوردستان بگرێتەوە. 

وتیشی: پڕۆژە یاسای قەرەبوو کردنەوەی زیانلێکەوتووانی دەستی ڕژێمی بەعس لە ئێسادا لە پەرلەمانی عێراقە و لە حەفتەی ڕابردوەوە خوێندنەوەی یەکەمی بۆ  کراوە و بریاریشە خوێندنەوەی دووەمی بۆ بکرێت

 ئەندامەکەی پەڕلەمانی عێراق ئاماژەی بەوەشدا: ئەو پڕۆژە یاسایە  لە 11 ماددە پێکدێت و ئەو کەسانە دەگرێتەوە کە لە 17تەموزی 1968 ، کە ڕۆژی  هاتنی حزبی بەعسە بۆ سەر دەسەڵات، تاکو ڕۆژی 20 ئادار ی 2003 وە،  بەهۆی ئەو حزبە و دارودەستەکانی زیانییان بەرکەوتووە قەرەبوودەکرێنەوە. 

سروە مەحەممەد، ئەندامیمپەڕلەمانی عێراق لە فراکسیۆنی یەکێتی ئەوەشی خستە ڕوو:  هەمو هەوڵێک دەدەین بۆ ئەوەی کەسوکاری ئەنفالکراوان و تاوانی هەڵەبجە و ڕاپەڕین وبادینان جێگایان لە م یاسایەدا بۆ بکرێتەوە و هاوشێوەی زیانلێکەوتووانی ناوچەکانی تری عێراق یاساکە بیانگرێتەوە.