ئەو تۆمەتبارانەی کە ڕووبەڕووی پۆلیس بونەوە دەستگیر کران

ڕوانگە - عەلی جەمال قەدوری، وتەبێژی پۆلیسی گەرمیان، ڕایگەیاند:" دوای ئەوەی شەوی ڕابردوو تۆمەتبارێک کەبەپێی مادەی (432)  فەرمانی دەستگیرکردنی هەبوو لەکاتی دەستگیرکردنی لەلایەن مەفرەزەیەکی  بنکەی پۆلیسی باوەنوورەوە لەکاتێکدا تۆمەتبار دوو کەسی دیکەی لەگەڵدا بووە ڕووبەڕووی پۆلیس بوەوە و تەقەی لەمەفرەزەی پۆلیسی ناحییەی باوەنوورکردوەو  دواتر بەرەو قەزای کەلار هەڵهاتوون.

  وتیشی: دواتر  لەقەزای کەلاریش لەکاتی دەستگیرکردنیدا لەلایەن پۆلیسی فریاکەوتن 104 کەلار و بەشی پۆلیسی کەلار تەقەی لەمەفرەزەی پۆلیسی و ئۆتۆمبێلی بەڕێوەبەری بەشی پۆلیسی کەلارکرد و زیانی مادییان بە دوو ئۆتۆمبێلی هێزەکانی پۆلیس گەیاندووە و خۆشەبەختانە زیانی گیانی بەدواوەنەبوو

وتەبێژی پۆلیسی گەرمیان،ئاماژەی بەوەشکرد:" لەئەنجامدا پۆلیس توانیان تۆمەتباران دەستگیربکەن و دەست بەسەرچەک و ئۆتۆمبێلەکەیاندابگرن.

علی جەمال قەدوری، وتەبێژی پۆلیسی گەرمیان، ڕونیشی کردەوە:" تۆمەتبارەکان دانیشتوی قەزای کەلارن و
لەئێستادا بەپێی مادەکانی (432) و (230) بەندکراون و لێکۆڵینەوە لەگەڵیان دەستی پێ کردوە.