باری کەش و هەوا بۆ ڕۆژانى جەژنى قوربان

Jun 15, 2024

ڕوانگە ـ کەشناسی هەرێمی کوردستان، باری کەش و هەوا بۆ ڕۆژانى جەژنى قوربانى پیرۆز دەخاتەڕوو.

کەشناسیی هەرێمی کوردستان ڕایدەگەیەنێت:" پێشبینى دەکرێ ئاسمانى هەرێم لە ڕۆژانى جەژن "یەک شەممە تا کۆتایی هەفتە" لە نێوان ساماڵ و پەڵەهەور و هەندێ جار نیمچە هەور بێت و پلەکانى گەرما بە 2 پلە وە لەناوچەکانى گەرمیان بە 3 پلە بەرزترببنەوە بە بەراود بە پلەکانى گەرمى ئەمرۆ

ئەمڕۆ شەممە، کەشناسیی هەرێم لە راگەیێندراوێکدا ئەوەی خستۆتەڕوو:" سبەی "ئاسمان ساماڵ و هەندێک پەڵەهەور دەبێت، لەدوای نیوەڕۆوە لە ناوچە شاخاوییە سنوورییەکان ئەگەری بارینی تاوە بارانێکی کورت هەیە. پلەی گەرماش نزیک دەبێت لە تۆمارکراوی ئەمڕۆ.

کەشناسی هەرێم، ئاشکرایشی دەکات:" لە رۆژانی جەژندا ئاسمان ساماڵ و پەڵەهەور دەبێت و پلەی گەرما دوو پلە و لە ناوچەکانی گەرمیان سێ پلە بەرزتر دەبێتەوە؛ هەروەها بەهۆی چالاکبوونی باوە "ئەگەری بەرزبوونەوەی تۆزێکی سووک هەیە، بەتایبەت لە ناوچەکانی کەرکووک و گەرمیان..