سودانی قەیرانی كەركوكی چارەسەركردووە / پۆستی پارێزگار لەنێوان پێكهاتەكان ئاڵوگۆڕ دەکرێت
(0) /
ڕوانگە - رێککەوتنی لایەنەکان بۆ یەکلاکردنەوەی پۆستی پارێزگاری کەرکووک ئاشکرا کرا.
تۆرهان موفتی، راوێژكاری محەمەد شیاع سودانی سەرۆك وەزیرانی عێراق ڕایگەیاند، سودانی قەیرانی كەركوكی چارەسەركردووە و دۆسیەكە بەرەو پێكهێنانی حكومەتی خۆجێی هەنگاو دەنێت و ئەگەر هەیە پۆستی پارێزگار لەنێوان پێكهاتەكان ئاڵوگۆڕ بكرێت.
دیدارەكانی سودانی لەگەڵ لایەنەكانی كەركوك ئەنجامی گرنگی هەبووەو گفتوگۆكانی كردووە بە كارنامە.
دۆسیەی پۆستەكان لە كەركوك پێویستی بە كاتە بۆ یەكلاكردنەوەی، دوای پێگەیاندنی بیرۆكەكان لەگەڵ بوونی سازان لەنێوان سەرجەم لایەنەكان.
خاڵی گرنگ لە پێكهێنانی حكومەتی خۆجێی كەركوك پۆستی پارێزگارە، لەگەڵ نەرمی نواندان لە پۆستەكانی تر.
پۆستی پارێزگاری كەركوك، لەماوەی (20) رۆژی داهاتوودا یەكلادەكرێتەوە.
پێشبینی دەكرێت پۆستەكە ئاڵوگۆڕبكرێت بەشێوەیەكی دوو قۆڵی لە نێوان كورد(یەكێتی نیشتمانی كوردستان)و پێكهاتەی عەرەبی, یان ئاڵوگۆڕی سێ قۆڵی لەنێوان عەرەب و كوردو توركمان.
تێبينيێك بنێرە: