دەرباز کۆسرەت ڕەسوڵ: وه‌ك یه‌كێتی به‌ته‌واوی پاڵپشتی لە پارێزگاری نوێ ده‌كه‌ین

ڕوانگە - بەبۆنەی دەستنیشانکردنی وەک پارێزگاری کەرکوک، دەرباز کۆسرەت رەسوڵ، ئەندامی مەکتەبی سیاسی، یەکێتیی نیشتمانیی کوردستان، پیرۆزبای ئاراستەی ڕێبوار تەهاکرد.

دەرباز کۆسرەت ڕەسوڵ، ئاماژەی بەوەشکرد:" كه‌ركوك لەم ساته‌وه‌ پێ ده‌نێته‌ قۆناغێكی نوێیەوە، كه‌ركوكییه‌كان ئیداره‌دانێكی جیاواز ده‌بینن. ئێمه‌ وه‌ك یه‌كێتی به‌ته‌واوی پاڵپشتی پارێزگاری نوێ ده‌كه‌ین له‌به‌ره‌وپێشبردنی حوكمێكی مه‌ده‌نی بۆ پارێزگاكه و خزمەتی هەموو پێکهاتەکان بەبێ جیاوازی‌.

دەقی پیرۆزبایەکەی دەرباز کۆسرەت ڕەسوڵ.

برای به‌ڕێزم هەڤاڵ: رێبوار ته‌ها

به‌بۆنه‌ی ده‌ستنیشانكردنت به‌ پارێزگاری كه‌ركوك، گه‌رمترین پیرۆزبایی خۆمانت ئاراسته‌ ده‌كه‌ین، هیوای سه‌ركه‌وتنت بۆ ئه‌خوازین له‌م ئه‌رك و به‌رپرسیارێتیە مێژووییه‌.

كه‌ركوك لەم ساته‌وه‌ پێ ده‌نێته‌ قۆناغێكی نوێیەوە، كه‌ركوكییه‌كان ئیداره‌دانێكی جیاواز ده‌بینن. ئێمه‌ وه‌ك یه‌كێتی به‌ته‌واوی پاڵپشتی پارێزگاری نوێ ده‌كه‌ین له‌به‌ره‌وپێشبردنی حوكمێكی مه‌ده‌نی بۆ پارێزگاكه و خزمەتی هەموو پێکهاتەکان بەبێ جیاوازی‌. هه‌روه‌ها بۆ كه‌ركوكی و كوردستانیان  دووپاتی ده‌كه‌ینه‌وه‌ كه‌وا یه‌كێتیه‌كه‌تان راستگۆیه‌ له‌ هه‌موو ئه‌و به‌ڵێنانه‌ی داویه‌تی، له‌ داهاتووشدا هه‌ر واده‌بین.

دەرباز کۆسرەت رەسوڵ
ئەندامی مەکتەبی سیاسی
یەکێتیی نیشتمانیی کوردستان