وێستگەی نوێی کارەبای 132ی کەلار دادەمەزرێت
(0) /
ڕوانگە - بەمەبەستی خزمەتکردنی زیاتر و چارەسەرکردنی گرفتی کەمی ڤۆڵتێی کارەبا لە ناوچەکەدا لەئێستادا وێستگەی نوێی کارەبای 132ی کەلار، دادەمەزرێت.
ئومێد ئەحمەد، وتەێژی وەزارەتی کارەبای حکومەتی هەرێمی کوردستان، بۆ ڕوانگە رایگەیاند:" کارکردن لەو وێستگەیە لە تەواوبوندایە و لە ئێستادا ڕێژەی زیاتر لە ٩٥٪ی کارەکانی تەواو بووە و یەکێکە لەو پرۆژە گرنگانەی کە بۆ گەرمیان جێبەجێ کراوە بۆ باشترکردنی دۆخی کارەبا لە سنورەکەدا.
وتیشی:" تێچووی پرۆژەکە زیاتر لە ٢١ ملیار دینارە و بەتەواوبوونی بەشێکی زۆر لە کێشەکانی کارەبا چارەسەر دەبێت.
ئومێد ئەحمەد، وتەێژی وەزارەتی کارەبای حکومەتی هەرێمی کوردستان،ڕونیشیکردەوە:" ئەو وێستگانەی کە ئێستا لە گەرمیان، لە کارکردندان ڕۆژ لەدوای ڕۆژ لۆدێکی زۆرتر دەکەوێتە سەریان بۆیە ئەم وێستگەیە کێشەی کەمی ڤۆڵتیەی کارەبا لە ناحیەکانی نەوجول و پێباز، بەتەواوی چارەسەر دەکات و تاوەکو دە ساڵی دیکە گەرمیان لەو گرفتانە ڕزگاری دەبێت..
تێبينيێك بنێرە: