سبەینێ تیروپشک بۆ ناوی حاجییان دەکرێت
(0) /
ڕوانگە - بەڕێوەبەری کۆمەڵەی کۆمپانیاکانی گەشتوگوزار و حەج و عومرەی هەرێم ئاشکرای دەکات، "سبەینێ تیروپشک بۆ ناوی حاجییان دەکرێت".ئەمڕۆ سێشەممە24ی ئەیلولی 2024،، ڕێبوار ئازاد، بەڕێوەبەری کارگێڕی کۆمەڵەی کۆمپانیاکانی گەشتوگوزار و حەج و عومرەی هەرێمی کوردستان ڕایگەیاند، بڕیارە سبەی چوارشەممە25ی ئەیلول تیروپشک بۆ ئەو ناوانە بکرێت، کە بۆ ساڵی 2025 دەچنە حەج. پێشتر، وەزیری ئەوقاف و کاروباری ئایینی هەرێم ڕایگەیاند، ئەم ساڵ هیچ ناوێکی نوێ بۆ چوونە حەج نانووسرێت.
بەپێی ئاماری وەزارەتی ئەوقافی هەرێم، تەواوی ئەو کەسانەی لە ساڵانی 2023 و 2017 ناویان نووسیبوو، ناویان لە تیروپشکی حەجی ساڵی 2025دا دەبێت.ساڵی 2023 یش بەهەمان شێوە تیروپشک بۆ ناوی حاجیان ئەنجامدرا ناوی 4174 کەس بۆ حەجی ساڵی 2024 دەرچوو.
تێبينيێك بنێرە: