عێراق بە فەرمی سکاڵا لە دژی ئێران تۆمار دەکات
(0) /
وەزیری سەرچاوەکانی ئاوی عێراق ڕایگەیاند کە وڵاتەکەی بە هۆی سیاسەتە ئاوییەکانی ئێران و گۆڕینی ئاراستەی ڕووبارەکانەوە سکاڵا لە سەر حکومەتی تاران لە ناوەندە نێودەوڵەتییەکان تۆمار دەکات.
مەهدی ڕەشید حەمدانی ڕایگەیاند کە ئێران ڕێگای بەشێک لە ئاوە هاوبەشەکانی بە ڕووی عێراقدا داخستووە و ئاراستەی هەندێک لە ڕووبارەکانی گۆڕیوە و تا ئێستاش هەوڵەکانی بەغدا بۆ چارەسەرکردنی کێشەکان ئەنجامێکی نەبووە.
بە وتەی حەمدانی، ئێران تا ئێستا پابەندی ڕێکەوتنە ئاوییەکانی لە گەڵ عێراق نەبووە و بە پێی ڕێکەوتنی جەزایر مافی گۆڕینی ئاراستەی ڕووبارەکانی پێنەدراوە./.
تێبينيێك بنێرە: