لە سعوودیە 250 بەرپرس بە تۆمەتی گەندەڵی دەستبەسەر کران
(0) /
دەزگای چاودێری و بەرەنگاربوونەوەی گەندەڵی لە سعوودیە ڕایگەیاند کە لە 6 وەزارەتی ئەم وڵاتەدا 250 بەرپرس بە تۆمەتی تێوەگلان لە دۆسیەکانی گەندەڵی دەستبەسەر کراون.
لە ڕاگەێندراوێکی ئەو دەزگایەدا هاتووە کە دەستبەسەرکراوەکان لە وەزارەتەکانی بەرگری، ناوخۆ، داد، تەندرووستی، پەروەردە و شارەوانییەکانن و سەرەکیترین تۆمەتەکانی ئەوان گەندەڵی، وەرگرتنی بەرتیل و خەراپ بەکارهێنانی پلە و پۆستەکانیانە.
مانگی تشرینی یەکەمی ئەمساڵیش بە هەمان شێوە سعوودیە هەواڵی دەستبەسەرکردنی 172 تۆمەتباری لە وەزارەتەکانی بەرگری، ناوخۆ، دەرەوە و هەروەها لە سوپای ئەم وڵاتەدا ڕاگەیاند.
دەزگای چاودێری و بەرەنگاربوونەوەی گەندەڵی سعوودیە لە ساڵی 2007 دامەزراوە./.
تێبينيێك بنێرە: