ئێران لە نێوان پارتی و یەکێتی نێوەندگێڕی دەکات
(0) /
سەرچاوەیەکی ئاگادار بە پێگەی " بغداد الیوم " ی ڕاگەیاندووە کە شاندێکی ئێرانی بە مەبەستی نزیککردنەوەی تێڕوانینی هەر دوو حیزبە دەسەڵاتدارەکە لە سەر پۆستی سەرۆک کۆماری عێراق هاتووەتە هەرێمی کوردستان.
بە وتەی ئەو سەرچاوەیە، شاندەکەی ئێران ڕۆژی سێ شەممە لە هەولێر بووە و لە گەڵ بەرپرسانی باڵای پارتی دیمۆکراتی کوردستان کۆبووەتەوە.
ڕاشیگەیاندووە کە شاندە ئێرانییەکە لە گەڵ بەرپرسانی باڵای یەکێتیش کۆدەبێتەوە تا هەر دوو حیزب لە سەر پۆستی سەرۆک کۆماری عێراق بگەنە ڕێکەوتن.
ناکۆکییەکانی پارتی و یەکێتی لە سەر پۆستی سەرۆک کۆماری عێراق ڕەوشی سیاسی هەرێمی کوردستانی ئاڵۆز کردووە./.
تێبينيێك بنێرە: