هەڵوێستی شێخی ئەزهەر لە دژی ڕووسیا
(0) /
شێخی ئەزهەر داوای لە کۆمەڵگای نێودەوڵەتی کرد هەوڵەکانیان بۆ ڕاگرتنی شەڕی ڕووسیا لە دژی ئۆکرانیا چڕ بکەنەوە.
ئەحمەد تەیب شێخی ئەزهەر لە بەیاننامەیەکدا کە بە زمانەکانی عەرەبی، ئینلیزی و ئۆکراینی بڵاو کرایەوە، وتی: ئەوەی کە لە ترس و ئاوارەیی دانیشتووانی ئۆکرانیا و هەوڵەکانی ئەوان بۆ ئاشتی و سەقامگیری دەبینین، تاقیکردنەوەی ڕاستەقینەی مرۆڤبوونی ئێمەیە.
ناوبراو وتی: داوا لە کۆمەڵگای نێودەوڵەتی دەکەین هاوکاری مرۆیی زیاتر پێشکەش بە خەڵکی ئۆکرانیا بکرێت و هەوڵەکانیش بۆ ڕاگرتنی ئەم شەڕە زیاتر ببێت.
شێخی ئەزهەر بەم نزایە کۆتایی بە بەیاننامەکەی هێنا کە داوا لە خودا دەکەم ئەم خەڵکە بێ تاوانە بە پارێزراوی بۆ نیشتمانی خۆیان بگەڕێنێتەوە./.
تێبينيێك بنێرە: