ئیمارات لە سەر سەردانەکەی بەشار ئەسەد ڕوونکردنەوە دەدات

پاش سەردانەکەی سەرۆک کۆماری سوریا بۆ ئیمارات، ڕاوێژکاری سەرۆکی ئیمارات بۆ کاروباری دیپلۆماسی ڕایگەیاند کە ئەم سەردانە لە پێناو متمانەی ئەبوزەبی بە پەیوەندی سیاسی و سیاسەتی باز کراوە.

ئەنوەر قەرقاش ڕاوێژکاری سەرۆکی ئیمارات بۆ کاروباری دیپلۆماسی لە سەر سەردانەکەی بەشار ئەسەد بۆ ئەم وڵاتە ڕایگەیاند: ئیمارات بەردەوام درێژە بە سیاسەتی تایبەتی خۆی بە مەبەستی کەمکردنەوەی ئاڵۆزییەکان و کاریگەری ڕۆڵی وڵاتانی عەرەبی لە چارەسەرکردنی قەیرانەکانی ناوچەکە دەدات لە بەر ئەوەی کە هەلومەرجەکە پێویستی بە گرتنەبەری ڕێوشوێنێکی تایبەت هەیە کە وڵاتانی عەرەبی لە پەراوێزکەوتن دوور بخاتەوە.

قەرقاش وتی: سەردانەکەی بەشار ئەسەد بۆ ئیمارات بۆ کاریگەریی ڕۆڵی وڵاتانی عەرەبی لە دۆسیەی سوریا بووە و ئەم قۆناغەش بۆ دابینکردنی ئاسایش و سەقامگیری و دەستەبەرکردنی داهاتووی ناوچەکە و گەلانی پێویستی بە هەنگاوێکی بوێرانە هەیە./.