بەرهەم ساڵح: دۆسیەی ئاو بەشی هەرە گرنگی ئاسایشی نیشتمانیی عێراقە
(0) /
سەرۆک کۆماری عێراق ڕایگەیاند کە دۆسیەی ئاو لە ڕیزی ئەولەویاتی وڵاتەکەیدایە و بەشی هەرە گرنگ و جیانەکراوی ئاسایشی نیشتمانیی عێراقە.
بەرهەم ساڵح ڕۆژی دووشەممە لە میانەی کۆبوونەوەی لە گەڵ مەهدی ڕەشید حەمدانی وەزیری سەرچاوەکانی ئاوی عێراق، سەبارەت بە ئاسایشی ئاو و کێشەکانی بەردەم ئەم وڵاتە بیر و ڕای ئاڵوگۆڕ کرد.
سەرۆک کۆماری عێراق دۆسیەی ئاوی بە بەشی جیانەکراوی ئاسایشی نیشتمانیی ئەم وڵاتە ناو برد.
ناوبراو وتی کە گۆڕانکارییەکانی کەشوهەوا کاریگەری زۆری لە سەر عێراق، ناوچەکە و جیهان داناوە.
بەرهەم ساڵح جەختی لە سەر ڕێکخستنی پەیوەندییەکانی ئاو لە گەڵ وڵاتانی دراوسێ بە پێی ڕەچاوکردنی بەرژەوەندییەکانی هەمووان کردەوە بە بێ ئەوەی کە زیان بە عێراق بگات./.
تێبينيێك بنێرە: