چوارچێوەی هاوئاهەنگی پاڵپشتی تەواوی بۆ کاندیدبوونی محەممەد شیاع سودانی دووپات کردەوە
(0) /
لایەنەکانی چوارچێوەی هاوئاهەنگی شێعەکان شەوی دووشەممە 12 ی ئەیلولی 2022 بەیاننامەیەکیان بڵاو کردەوە کە تێیدا هاتووە بە تەواوی پابەندی بڕیاری پێشووی خۆمانین بۆ کاندیدکردنی محەممەد شیاع سودانی بۆ پۆستی سەرۆک وەزیرانی داهاتووی عێراق.
لەو بەیاننامەیەدا هاتووە کە پەیوەندی و وتوویژی چوارچێوەی هاوئاهەنگی لە گەڵ لایەنە سیاسییەکانی دیکەی عێراق لە سەر پرسی پێکهێنانی حکومەتی نوێ گەیشتووەتە لێک تێگەیشتنی باش و بەرەوپێشچوونی زۆری هەبووە.
چوارچێوەی هاوئاهەنگی هەروەها جەختی لە سەر دەستپێکردنەوەی چالاکیی دامەزراوە دەستوورییەکان و پێکهێنانی حکومەتێک بە هەموو دەسەڵاتێکەوە کردووەتەوە./.
تێبينيێك بنێرە: