ناکۆکییەکانی یەکێتی ئەورووپا و ئێران لە سەر شەڕی ئۆکرانیا پەرەی سەندووە
(0) /
وتەبێژی بەرپرسی سیاسەتی دەرەوەی یەکێتی ئەورووپا سەر لە نوێ ئێرانی بەوە تۆمەتبار کردەوە کە هاوکاریی سەربازی ڕووسیا لە شەڕی ئۆکرانیا دەکات و لە سەر بەردەوامی ئەم هاوکارییەش هۆشداریی دایە تاران.
پیتر ئستانۆ بە پەیامنێرانی ڕاگەیاند کە یەکێتی ئەورووپا بە نیگەرانییەوە لە هاوکارییە سەربازییەکانی ئێران و ڕووسیا لە شەڕی ئۆکرانیا دەڕوانێت.
ناوبراو وتی کە ئەگەر بابەتی پێدانی درۆنەکانی ئێران بە ڕووسیا لە دژی ئۆکرانیا پشتڕاست بکرێتەوە، کاردانەوەی توندمان لە دژی تاران دەبێت.
ئستانۆ وتی کە یەکێتی ئەورووپا داوا لە سەرجەم وڵاتان دەکات واز لە پاڵپشتیکردنی ڕووسیا لە شەڕی ئۆکرانیا بێنن، لە بەر ئەوەی کە ئەم شەڕە شەڕێکی نایاساییە و بە پێچەوانەی یاسا نێودەوڵەتییەکانە./.
تێبينيێك بنێرە: