هەواڵی درۆ لە تورکیا زیندانی بە دواوە دەبێت
(0) /
پەرلەمانی تورکیا بڕگەیەکی پرۆژە یاسایەکی پەسەند کردووە کە بە پێی ئەو یاسایە هەر هەواڵێکی درۆ و ساختە، سزای زیندانی بە دواوە دەبێت.
ئەڵبەت هێشتا بە تەواوی لە لایەن پەرلەمانەوە تەواوی بڕگەکانی ئەو پرۆژەیاسایە پەسەند نەکراوە بەڵام پێشبینی دەکرێت بە پێی ئەوەی کە لە لایەن پارتی داد و گەشەپێدانەوە پێشکەش کراوە، دوا جار پەسەند بکرێت.
لەو پرۆژەیاسایەدا هاتووە کە ئەوەی کە بە ئامانجی ترس و تێکدانی دۆخی گشتی، هەواڵی درۆ و بانگەشە و زانیاری هەڵە سەبارەت بە ئاسایشی تورکیا بڵاو بکاتەوە، ڕوبەڕوی سزای زیندانیکردن لە یەک تا سێ ساڵ دەبێتەوە.
ژمارەیەک لە چالاکوانانی میدیایی، وڵاتانی ئەورووپی و ئەندامانی پەرلەمان دژایەتی خۆیان بۆ پرۆژەیاساکە دەربڕیوە./.
تێبينيێك بنێرە: