سەرۆک وەزیرانی عێراق پێشنیارێکی نوێی داوەتە ئێران
(0) /
وەزیری دەرەوەی ئێران ڕایگەیاند کە سەرۆک وەزیرانی عێراق لە کۆنگرەی بەغدا – 2 لە ئەردەن پێشنیاری دانوستانی ئێران و میسری لە ئاستی سیاسی و ئەمنیدا کردووە.
حوسێن ئەمیر عەبدوڵڵاهیان لە چاوپێکەوتنێکدا وێڕای ئاماژە بە بەشداری لە کۆنگرەی بەغدا – 2 لە ئەردەن، وتی: لە وتووێژم لە گەڵ محەممەد شیاع سودانی سەرۆک وەزیرانی عێراق، ناوبراو چەند بیرۆکەیەکی خستەڕوو کە عێراق بتوانێت ڕۆڵ و پێگەی خۆی بۆ پتەوکردنی هاوکارییە ناوچەییەکان بەکار بێنێت.
وەزیری دەرەوەی ئێران وتی کە سودانی پێشنیاری کردووە وتووێژەکانی ئێران و میسر لە دوو ئاستی سیاسی و ئەمنیدا دەست پێبکات تا بگاتە پتەوبوونی پەیوەندییەکانی تاران و قاهیرە.
ئەمیر عەبدوڵڵاهیان وتی کە پێشوازیم لەم پێشنیارەی سەرۆک وەزیرانی عێراق کردووە.
وتیشی کە سەرۆک وەزیرانی عێراق بڕیارە لە هەفتەکانی داهاتوو هەنگاوەکانی بۆ ئەم مەبەستە دەست پێبکات./.
تێبينيێك بنێرە: