عێراق لە سەر پرسی دۆلار شاندێک دەنێرێتە ئەمریکا
(0) /
وتەبێژی وەزارەتی دەرەوەی عێراق ڕایگەیاند کە شاندێکی حکومەتی ئەم وڵاتە بۆ وتووێژ لە سەر بابەتە دارایی و بانکییەکان بە تایبەت بەرزبوونەوەی نرخی دۆلار سەردانی ئەمریکا دەکات.
ئەحمەد سەحاف ڕایگەیاند کە ئەو شاندە لە لایەن فۆئاد حوسێن وەزیری دەرەوەی عێراقەوە سەرۆکایەتی دەکرێت و بڕیارە ئەو وتووێژانەش لە 8 و 9 ی ئەم مانگە دەست پێبکات.
سەحاف وتی کە چەندین بابەتی سەرەکی و پەیوەندیدار بە لایەنی دارایی و بانکی و بەرزبوونەوەی نرخی دۆلار لەو سەردانەدا باسی لێدەکرێت و لە گەڵ ئەمریکا هاوئاهەنگی پێویست لەم بوارانەدا دەکرێت.
ڕاشیگەیاند کە پتەوکردنی پەیوەندییە دووقۆڵییەکانی نێوان بەغدا و واشنتن تەوەرێکی دیکەی سەردانی شاندەکە دەبێت./.
تێبينيێك بنێرە: