ڕووسیا: ئەمریکا ژمارەی هێزە سەربازییەکانی لە سوریا زیاتر دەکات
(0) /
نێردەی تایبەتی سەرۆک کۆماری ڕووسیا وتی کە مۆسکۆ زانیاری تەواوی لایە کە پیشان دەدات ئەمریکا سەرقاڵی زیاترکردنی ژمارەی هێزە سەربازییەکانی خۆیە لە سوریا.
ئەلکساندر لاورنتیف نێردەی تایبەتی سەرۆک کۆماری ڕووسیا بۆ کاروباری سوریا وتی کە سوریا، تورکیا و ئێران ڕەزامەندییان لە سەر نەخشەڕێگای پێشنیارکراوی مۆسکۆ بۆ ئاساییکردنەوەی پەیوەندییەکانی ئەنکەرە و دیمەشق دەربڕیوە.
ناوبراو وتی: سەرجەم لایەنەکان بە گشتی لە سەر ئەو نەخشەڕێگایە ڕەزامەندی خۆیان دەربڕیوە و پێشنیار و تێڕوانینی خۆیان خستووەتەڕوو و لە ئێستادا دەبێت سەرجەم پێشنیار و بۆچوونەکان ڕێکبخرێن و هاوئاهەنگ بکرێن.
لاورنتیف وتی کە ئەمە کاتی دەوێت بەڵام گرنگ ئەوەیە کە پرۆسەکە بەرەوپێش دەڕوات و ناکرێت زۆر دوابکەوێت.
وتیشی کە ڕەشنووسی نەخشەڕێگاکەی ڕووسیا بە هەر سێ وڵاتی سوریا، تورکیا و ئێران دراوە و دەکرێت گۆڕانکاریشی تێدا بکرێت.
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: