باڵیۆزی سوید بانگهێشتی وەزارەتی دەرەوەی عێراق کرا
(0) /
وەک کاردانەوەیەک لە بەرامبەر بێڕێزیکردن بە قورئانی پیرۆز، وەزارەتی دەرەوەی عێراق بانگهێشتی باڵیۆزی سویدی لە بەغدا کرد.
وەزارەتی دەرەوەی عێراق ناڕەزایەتی توندی خۆیی بەرامبەر بە پێدانی موڵەتی سووتاندنی قورئان بە کەسانی توندڕۆ بە باڵیۆزی سوید ڕاگەیاندووە.
عێراق داوای لە سوید کردووە ڕێگری لە دووبارەکردنەوەی بێڕێزی بە پیرۆزییەکانی موسڵمانان بکات و بە بیانووی ئازادی ڕادەربڕین هیچ کردەوەیەکی لەو شێوەیە دووبارە نەبێتەوە.
وەزارەتی دەرەوەی عێراق هەروەها داوای لە حکومەتی عێراق کردووە سەلوان مۆمیکا ئەنجامدەری تاوانی سووتاندنی قورئان و بێڕێزی بە پیرۆزییە ئیسلامییەکان بە مەبەستی دادگاییکردن بە پێی یاساکانی ئەم وڵاتە ڕادەست بکاتەوە.
فایەق زیدان سەرۆکی ئەنجومەنی باڵای دادی عێراقیش فەرمانی ئەوەی دەرکردووە کە بە پێی مادەی 14 ی یاسای سزادانی ئەم وڵاتە ڕێوشوێنی تایبەت بەرامبەر بەو پەنابەرە عێراقییەی دانیشتووی سوید بگیرێتەبەر.
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: