ئێران دەستبەسەرکردنی 28 تیرۆریستی داعشی ڕاگەیاند
(0) /
وەزارەتی هەواڵگری کۆماری ئیسلامی ئێران هەواڵی پووچەڵکردنەوەی 30 تەقینەوەی هاوکاتی لە تاران و دوو پارێزگای دیکە و دەستبەسەرکردنی 28 تیرۆریستی ڕاگەیاند.
وەزارەتی هەواڵگری ئێران لە بەیاننامەیەکدا ڕایگەیاندووە کە لە ڕۆژانی ڕابردوودا لە زنجیرە ئۆپەراسیۆنێکی هاوکات لە پارێزگاکانی تاران، ئەلبورز و ئازەربایجانی ڕۆژئاوا، چەندین بنکە و شوێنی مانەوەی تیرۆریستان هێرشیان کراوەتە سەر و 28 کەس لە ئەندامانی ئەو تۆڕە تیرۆریستییە دەستبەسەر کران.
لەو بەیاننامەیەدا هاتووە کە ئەو تیرۆریستانە سەر بە گرووپی تیرۆریستی و تاوانباری داعش بوون و ژمارەیەک لەوان پێشتر لە گەڵ تیرۆریستان لە سوریا، ئەفغانستان، پاکستان و هەرێمی کوردستان بوون.
بە پێی بەیاننامەکەی وەزارەتی هەواڵگری ئێران، دەست بە سەر بڕێکی زۆر لە چەک و مادەی تەقینەوە و بۆمبی درووستکراو و کەرەستەی پەیوەندی و پشتێنەی بۆمبڕێژکراو و بڕە دراوێکی بیانیدا گیراوە.
وەزارەتی هەواڵگری ئێران هەروەها ڕایگەیاندووە کە لە کاتی ئەنجامدانی ئۆپەراسیۆن لە دژی یەکێک لە شوێنەکانی مانەوەی تیرۆریستان، تیرۆریستان هەوڵی خۆتەقاندنەوەیان دەدا کە ئەمەش دەیتوانی زیان بە خانووەکانی دراوسێ و دانیشتووانەکانیان بگەێنێت، بەڵام بە هەوڵ و گیانفیدایی هێزەکانیان، ڕێگری لە کردەوە تیرۆریستییەکانی ئەوان کرا.
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: