سەدر لە دژی ئیسرائیل بڕیارێکی دەرکرد

Oct 09, 2023

سەرۆکی ڕەوتی سەدر داوایکردووە کە لە دژی ڕژێمی ئیسرائیل لە گۆڕەپانی تەحریری بەغدا خۆپێشاندانی ملیۆنی بەڕێوە بچێت.

موقتەدا سەدر لە پۆستێکیدا لەسەر پلاتفۆرمی (X) دەڵێت، "تیرۆری نێودەوڵەتی دژی ئازیزانمان و گەلەکەمان لە فەلەستینی خۆشەویست کۆبووەتەوە، خوایە دابەشیان بکە و لێکیانبترازێنە.

سەدر نووسیویەتی، "ئەرکی ئێمەیە، موجاهیدەکانی عێراق کە بەرەنگاری داگیرکاری ئەمریکی ببینەوە و هەموو عاشقێکی دۆزی فەلەستین، بۆ خۆپیشاندانی ملیۆنی ئاشتیانە بچنە دەرەوە بۆ گۆڕەپانی چاکسازی و ستەملێکراوان (گۆڕەپانی تەحریر)، بۆئەوەی دەنگی جیهاد لە بەغدای پایتەختی خۆشەویستی عێراقەوە بەرزببێتەوە و بگاتە هەموو جیهان".

ناوبراو دەڵێت، "با ئاڵاکانی ئیسرائیل بسوتێنین، ئاڵای فەلەستین شان بە شانی ئاڵای عێراق هەڵبکەین. ئەم خۆپیشاندانە بۆ لەناوبردن و بڵاوەپێکردنیان بێت، هەروەها بۆ ترساندنی خراپەکاری گەورە، ئەمریکا، کە پشتیوانی تیرۆری زایۆنیستی لە دژی ئازیزانمان دەکات لە فەلەستین، و با خاکەکانی فەلەستین و قودسی پیرۆز بگەڕێنەوە بۆ سنووری ڕاستی و ڕاستی لە سەرووی ڕاستییەوە".

سەرۆکی ڕەوتی سەدر نووسیویەتی، "کاتی ئێمە هەینی داهاتووە بۆ خۆپیشاندان، دوای نوێژی هەینی، بە دوو ملیۆن ڕێپێوان لە هەموو پارێزگارەکانەوە، بۆ ئەوەی بۆ گەندەڵکاران و ستەمکاران بسەلمێنین کە ئێمە بەردەوامین لە پشتیوانی چاکسازی و بەرخۆدان، و خودا پارێزەری ئیماندارانە".