فەینەنشاڵ تایمز: ئێران و سعوودیە لە عێراق پێکەوە دانوستانیان کردووە
(0) /
ڕۆژنامەی فەینەنشاڵ تایمز ڕایگەیاندووە کە بەرپرسانی باڵای ئێران و سعوودیە لە عێراق بۆ باشترکردنی پەیوەندییەکانی نێوانیان ڕاستەوخۆ دانوستانیان کردووە.
لە ڕاپۆرتێکی ئەو ڕۆژنامەیەدا هاتووە کە مستەفا کازمی سەرۆک وەزیرانی عێراق ڕۆڵی گرنگی لە دەستپێکردنی دانوستانەکانی نێوان ئێران و سعوودیە هەبووە.
لە ئەگەری ڕاست و درووستی ئەم هەواڵە، ئەمە یەکەم جارە کە ئێران و سعوودیە لە پاش پێنج ساڵ لە پچڕانی پەیوەندییە دیپلۆماسییەکانی نێوانیان پێکەوە دانوستان دەکەن.
سەرچاوەکانی ڕۆژنامەکە ڕایانگەیاندووە کە یەکەم گەڕی دانوستانەکانیش لە بەرواری 9 ی ئەم مانگە بەڕێوەچووە.
فەینەنشاڵ تایمز هەروەها ڕایگەیاندووە کە بەغدا ئاسانکاریی بۆ پەیوەندی نێوان ئێران و وڵاتانی میسر و ئەردەنیش کردووە./.
تێبينيێك بنێرە: