دوایین زانیاری لە سەر دۆسیەی کوێخا دێرین
(0) /
دەزگای ئاسایشی هەرێمی کوردستان رایدەگەیەنێت " دێرین ئەحمەد تۆمەتبار بە بریندارکردنی کوڕی وەبەرهەهێنێکی سلێمانی فەرمانی دەستگیرکردنی بۆ دەردەچێت و دەستدەگیرێت بەسەر ماڵ و سامانی گوازراوە و نەگوزارەوەی تۆمەتبار و روخانی هەموو تەجاوزەکانی کە لەسەر ماڵوموڵکی گشتی کردوویەتی".
لە روونکردنەوەیەکدا لە دەزگای ئاسایشی هەرێمی کوردستانەوە دەرچووە هاتووە" پاش ئەوەی کاتژمێر ١٢:١٠ خولەکی شەوی ٢٩ ٢٠٢٤، لە گۆڕەپانی ئۆتۆمبێلی بەردەم (یانەی کۆمەڵایەتی سلێمانی) تەقە لە هاوڵاتی "ئەحمەد کامیل فەقێ" سەرمایەدار کرا و بەهۆیەوە بریندارکرا، دوای ڕەزامەندی بەڕێز دادوەری لێکۆڵینەوە، بەدواداچوون و لێکۆڵینەوەی ووردی هێزەکانمان دەستپێکرد". لە روونکردنەوەکەدا ئاماژە بۆ ئەوەش کراوە کە سەرئەنجام لە رۆژی ٣٠ـی کانوونی دووەم بەپێی مادەی ٣١-٤٠٥ ـی یاسای سزادانی عیراقی، تۆمەتباری سەرەکی و تەقەکەر "ئەحمەد عەبدولرەزاق عەلی" دەستگیرکرا."
"دوای لێکۆڵینەوە تۆمەتبار دانی بە تاوانەکەیدا ناو و دەرکەوت تۆمەتبارێکی دیکە بە ناوی (ئومێد کەمال) هاوکاری کردووە کە هاوپیشەیەتی و هەردووکیان پێشمەرگەن لەلای ( دێرین ئەحمەد محەمەد) ناسراوە بە (کوێخا دێرین)، بە بڕیاری ناوبراو تاوانەکەیان کردووە".( ئاسایشی هەرێم رایەگەیاندووە).
هەروەها ئاشکراش کراوە کە رۆژی ٥ـی شوبات، تۆمەتبار ئومێد کەمال کە هاوکاری کردووە دەستگیرکرا.
لەبارەی کوێخا دێرینەوە، ئاسایشی هەرێم دەڵێت " ئێستا، کوێخا دێرین فەرمانی دەستگیرکردنی بۆ دەرکراوە بە پێی مادەی ٤٠٥ - ٣١ـی لە یاسای سزادانی عیراقی کێشەکەشی لەسەر داواکردنی سەرانە و پارەوەرگرتن و هەڕەشەبووە لە سەرمایەدارێکی سلێمانی .
هەر لەو چوارچێوەیەدا دادوەر بڕیاریدا دەستبگیرێت بەسەر ماڵ و سامانی گوازراوە و نەگوزارەوەی تۆمەتبار دێرین ئەحمەد و رووخاندنی سەرجەم ئەو ماڵ و شوێنانەی کە بە زیادەڕۆیی کرابوونە سەر موڵکی گشتی".
نیوەرۆی ئەمڕۆ دوو شەممە هێزێکی ئاسایش گەمارۆی ماڵی درێن عوزێریان داوەو دەیانەوێت دەستگیری بکەن.
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: