نێچیرڤان بارزانی داوای هێزی هاوبەش لە بەغدا دەکات، هێزی پێشمەرگەش خراوەتە حاڵەتی ئامادەباشییەوە
(0) /
سەرۆکی هەرێمی کوردستان لە پەیامێکدا داوای لە حکومەت و پەرلەمانی عێراق و هاوپەیمانی نێودەوڵەتی دژ بە داعش کردووە کە بە خێرایی کار لە سەر پێکهێنانی هێزێکی هاوبەش لە نێوان پێشمەرگە و سوپای عێراق بۆ ناوچەکە کێشە لە سەرەکان بکەن.
نێچیرڤان بارزانی ڕایگەیاندووە کە بۆشایی ئەمنی لەو ناوچانە بە مەترسییەکی گەورە لە سەر ئاسایشی هەرێمی کوردستان و عێراق دادەنرێت.
هاوکات وەزارەتی پێشمەرگەی حکومەتی هەرێمی کوردستانیش لە پاش هێرشەکەی شەوی ڕابردووی داعش لە میحوەری ڕۆژئاوای کەرکوک هەڕەشەی توندی لە تیرۆریستان کردووە و ڕایگەیاندووە کە وەڵامی تاوانەکەی ئەمجارەیان دەگرنەوە و ئاسایشی هەرێمی کوردستانیش وەک هەمیشە پارێزراو دەبێت.
لە پاش ئەو هێرشەی داعش بۆ سەنگەرەکانی پێشمەرگە لە ئێستادا هێزی پێشمەرگەی کوردستان خراونەتە حاڵەتی ئامادەباشییەوە./.
تێبينيێك بنێرە: