گەنجێکی کورد، بە شێوازێکی جیاواز کارەبا بەرهەم دەهێنێت

ڕوانگە ـ  زریان پیرۆت ابوبکر، لەدایک بووی ساڵی 1994 لە شاری ڕانیە 

خوێندکاری قۆناغی سێیە لە پەیمانگای ڕاپەڕینی ناحکمومی 

ئەو بۆ ڕوانگە، باسی لەوەکرد:  وەک خوێندکارێک بە پێویستم زانیوە  بەو چەند ساڵەی ئەزمونی خوێندنم بتوانم کارێکی جیاواز بکەم ئەویش بەرهەمهینانی کارەبایە تەنها لە ڕێگەی بەکارهێنانی ئاو و خوێوە

‎وتیشی: ئەوەی کارەکەی من جیاواز دەکات لە کاری ئەوکەسانەی دیکە کە بەشێوازی جیاواز کارەبایان بەرهەمهێناوە ئەوەیە کە تاوەکو ئیستا نەمبیستوە کەسێک لە ڕێگەی بەکارهێنانی تەنها ئاو و خوێوە ‎کارەبای لەوشێوەیە دروست بکات 
 
زریان پیرۆت ابوبکر ڕونیشی کردەوە:جۆری کارەبایەکە تاقەی دیسییەو دەتوانێت 12ڤۆلتی دیسی بدات وە توانای هەیە بۆماوە یەک هەفتە گلۆپ بەکاربهێنی بە بێ کووژانەوە 

زریان پیرۆت ئەوەشی خستەڕوو: تاوەکو ئیستا هیج کەس و لایەنیک هاوکاری نەکردووە بۆ ئەوەی بتوانێت کارەکەی بکاتە پرۆژێکی گەورەتر، چونکە ئەگەر هاوکاری بکرێت دەتوانێت زۆر بەئاسانی وزەی زۆر زیاتر بەرهەم بهێنێت.

زریان پیرۆت ابوبکر،  باسی لەوەشکرد: بە پێویستی دەزانم کەسانی بەهەرەمەند هاوکاری بکرێن و  سەپۆرت بکرێن بۆ ئەوەی بتوانن  حەزوخولیا و داهێنانەکانیان  گەورەتر بکەن و بیکەن بە پرۆژەی جیاوازتر بۆئەوەی بتوانن لە ڕێگەی پرۆژە و داهێنانەکانیاوە خزمەتی زیاتر بە خەڵکی کوردستان بکەن، بۆیە     داوا لە حکومەت دەکەم هاوکاری کەسانی بە هرەمەند بکات.