هەرێم نایەوێت لیستی مووچەی هێزەئەمنییەکان ڕەوانەی بەغداد بکات

ڕوانگە ـ ئەگەرچی ماوەی چەندڕۆژێک دەبێت، مووچەی مانگی نیسانی بەشێک لە مووچەخۆرانی هەرێمی کوردستان دابەشکراوە، بەڵام تائێستا دیارنییە کە کەی مووچەی هێزەئەمنیەکان دابەشدەکرێت و ئەندامێکی ئەنجومەنی نوێنەرانی عێراق:" هۆکاری دواکەوتنەکەی بۆ ئەوەدەگەڕێنێتەوە کە هەرێم نایەوێت داهاتی ناوخۆ ڕەوانەی بەغدادبکات و ئەمەش وایکردووە دابەشکردنی مووچەی هێزەئەمنییەکان دوابکەوێت.
سۆران عومەر، ئەندامی ئەنجومەنی نوێنەرانی عێراق، بۆ ڕوانگە ڕایگەیاند:" هۆکاری دواکەوتنی مووچەی هێزەئەمنییەکان ئەوەیە کە پرۆسەی تەوتین و ڕادەستکردنی داهاتی ناوخۆی وەک خۆی جێبەجێ نەکردووە.
وتیشی:" بەغداد لەبەرامبەر ناردنی مووچەی هێزەئەمنیێەکاندا داوای لیستی مووچەی هێزەئەمنییەکان دەکات کە هەرێم ئەو داوایەی بەغدادی جێبەجێ نەکردووە و تائێستا ئامادەنییە بینێرێ.

سۆران عومەر، ئەندامی ئەنجومەنی نوێنەرانی عێراق، ڕونیشی کردەوە:" تاکە بیانوی هەرێم بۆ ئەوەی لیستی مووچەی هێزەئەمنیەکان ڕەوانەی بەغداد نەکات ئەوەیە کە دەڵێت: ئەوە بابەتێکی ئەمنییە و نابێت ناوەکانیان ئاشکرابکرێت،