ڕاگەیەندراوی ئاسایش دەربارەی شەڕەکەی قەرەداغ
(0) /
ڕوانگە - دەزگای ئاسایشی هەرێم لەڕاگەیەندراوێکدا ڕایگەیاندووە، دوو کارمەندی ئاسایش لە کاتیی ڕووبەڕووبوونەوە لەگەڵ ژمارەیەک چەکدار لە سنووری قەرەداغ شەهیدبوون.
دەزگای ئاسایشی هەرێم دەڵێت، پاشنیوەڕۆی هەینی 9/8/2024 کاتژمێر 5:00 لە ناوچەی (قەرەداغ) دوای ئەوەی مەفرەزەیەکی ئاسایشی قەرەداغ بەمەبەستی پاراستنی ئاسایش و ئارامی ناوچەکە و چاودێریکردنی ناوچەیەکی شوێنەواری لە ئەرکدابوون، چەند کەسێکی چەکدار بەمەبەستی دەرهێنان و بردنی شوێنەواری (نەرامسین) لە ناوچە شوێنەوارییەکە بوون، ڕووبەڕووی مەفرەزەکەی ئاسایش بوونەتەوە.
ڕوونیشیکردەوە کە لە ڕووبەڕووبوونەوەکەدا دوو کارمەندی ئاسایش شەهیدبوون.لە ڕاگەیەندراوەکەی ئاسایشدا هاتووە کە ئێستا هەوڵەکان بەردەوامن بۆ دەستگیرکردنی تۆمەتباران و بەدواداچوون و لێکۆڵینەوە لە ڕووداوەکە.
تێبينيێك بنێرە: