سەرۆك کۆمار پێشوازی لە وەزیری بازرگانی دەکات
(0) /
ڕوانگە - سەرۆك کۆمار د.لەتیف جەمال رەشید، پێشوازی لە بەڕێز ئەسیر داود ئەلغەریری وەزیری بازرگانی کرد.
لەدیدارێکدا، کە ئەمڕۆ چوارشەممە 25-9-2024 لە کۆشکی بەغداد بەڕێوەچو، دۆخی ئاسایشی خۆراك و گەشەسەندن لەبوارەکانی بازرگانی و ئابوریدا تاووتوێکران و سەرۆك کۆمار جەختیکردەوە لە گرنگی پشتیوانیکردنی سەبەتەی خۆراك و دابینکردنی بەشە خۆراكی مانگانە بۆ هاووڵاتیان و سەقامگیریی نرخی خۆراك لە بازاڕدا.
هەروەها سەرۆك کۆمار ئاماژەی کرد بە گرنگی پاڵپشتیکردنی کەرتی تایبەت لەڕێگەی ئاسانکاریکردن بۆ کارەکانی تا رۆڵی خۆی ببینێت لە دابینکردنی کاڵا سەرەکییەکان، سەرەڕای پێویستی پەرەپێدانی ئاڵوگۆڕی بازرگانی و بەدیهێنانی هاوسەنگی لەگەڵ وڵاتانی دیکەی جیهان، بەشێوەیەك کە سود بە عێراق بگەیەنێت.
لەلای خۆیەوە وەزیری بازرگانی، رونکردنەوەیەکی پێشکەشکرد سەبارەت بە بەرەوپێشچونی کارەکانی وەزارەت و پلانەکانی دابینکردنی باشترین خزمەتگوزاری بۆ هاووڵاتیان لەڕێگەی دابینکردنی بەشە خۆراکی مانگانە و سەقامگیریی ئابوری و بازرگانی لەوڵاتدا.
تێبينيێك بنێرە: