خانمی یەکەم رێزلێنان پێشکەش بەتوێژەرانی بەشدار لەیەکەمین کۆڕبەندی نیشتمانیی سەرۆك جەلال تاڵەبانی دەکات
(0) /
ڕوانگە - خانمی یەکەم شاناز ئیبراهیم ئەحمەد رۆژى شەممە 9-11- 2024، بەشداری کرد لە مەراسیمێکی دامەزراوەى سەرۆك جەلال تاڵەبانی، کە بۆ رێزلێنان لەتوێژەرە بەشداربووەکانی کارەکانی یەکەمین کۆڕبەندی نیشتمانیی سەرۆکی کۆچکردوو جەلال تاڵەبانی رێکیخستبو.
مەراسیمەکە چەندین وتارى لەبارەى ژیان و کارەکانی سەرۆکی کۆچکردوو لەخۆگرت، کە تێیدا خاتوو شاناز ئیبراهیم ئەحمەد رایگەیاند مام جەلال سەرکردە و پارێزەر و شۆڕشگێڕێکی نمونەیی بوو، ئەو ئاراستەیەى گرتیەبەر لە حوکمداریدا، دەرەنجامی ئەرێنی و روونی هێنایەدی.
خانمی یەکەم راشیگەیاند؛ بون و هزری مام جەلال ئەوکات و ئێستاش زۆر پێویستە، بەکۆچکردنیشی بۆشاییەکی بەرچاوی جێهێشت جا لەسەر ئاستی هەرێمی کوردستان بێت یان ئاستی عێراق.
هەر لە میانی مەراسیمەکەدا خەڵاتی رێزلێنان بەخشرایە ژمارەیەک لەتوێژەرانی بەشداربووی کۆڕبەندەکە، خانمی یەکەمیش خەڵاتەکانی دابەشکرد، سەرەڕای دابەشکردنی کۆپییەك لەکتێبی تەواوی کارەکانی یەکەمین کۆڕبەندی نیشتمانی لەبیرەوەرى شەشەمین ساڵیادی کۆچی سەرۆك جەلال تاڵەبانی-دا.
تێبينيێك بنێرە: