جەبار یاوەر لە سەر چارەنووسی هێزەکانی ئەمریکا لە عێراق چی دەڵێت؟

ئەمینداری گشتی وەزارەتی پێشمەرگەی حکومەتی هەرێمی کوردستان جارێکی دیکە جەختی لە سەر هاوکاری سەربازی لە گەڵ هاوپەیمانی نێودەوڵەتی بە سەرکردایەتی ئەمریکا کردەوە و سەبارەت بە ئەگەری کشانەوەی لەناکاوی هێزەکانی بیانی لە عێراق و مەترسییەکانی هۆشداریی دا.

جەبار یاوەر ڕایگەیاند کە تا ئێستا هاوکارییەکانی ئەمریکا و هاوپەیمانی نێودەوڵەتی وەک وڵاتانی بەریتانیا، فەرەنسا، ئەڵمانیا، ئیتالیا و هەنگاریا لە ڕووی پڕچەککردن، پاڵپشتی ئاسمانی، لۆجستی و ڕاوێژکاری سەربازی بۆ هێزەکانی پێشمەرگە بەردەوامە.

ناوبراو وتی کە لە ڕێکەوتنەکەی ئەم دواییەی نێوان بەغدا و واشنتن نەهاتووە کە هێزەکانی ئەمریکا بە تەواوی لە عێراق پاشەکشە دەکەن، بەڵکوو ئەرکی ئەوان لە سەربازییەوە بۆ ڕاوێژکاری دەگۆڕدرێت و بە واتای ئەوەیە کە دەمێننەوە.

ئەو بەرپرسەی وەزارەتی پێشمەرگە هەروەها کشانەوەی هێزەکانی بیانیی لە عێراق بە مەترسییەک لە سەر هەرێمی کوردستان ناو برد./.