قەتەر 360 ملیۆن دۆلار هاوکاری کەرتی غەززە دەکات
(0) /
ئاژانسی فەرمی قەتەر ڕایگەیاندووە کە شێخ تەمیم بن حەمەد ئالی سانی میری ئەو وڵاتە فەرمانی هاوکاری 360 ملیۆن دۆلاریی بۆ کەرتی غەززە دەرکردووە و ئەو هاوکارییەش لە ماوەی یەک ساڵ و لەم مانگەوە دەدرێتە دانیشتووانی ئەو ناوچەیە.
هاوکارییەکەی قەتەر لە چوارچێوەی پاڵپشتییەکانی ئەو وڵاتەیە بۆ گەلی سزادراوی فەڵەستین لە کەرتی غەززە.
هاوکارییەکانی قەتەر لە بوارەکانی پێدانی مووچەی فەرمانبەران، یارمەتیدانی خێزانە هەژار و کەم داهاتەکان، وێستگەکانی کارەبا و باشترکردنی دۆخی مرۆڤی لە غەززە بەکار دەهێندرێت.
قەتەر ماوەیەکە مانگانە 100 دۆلار دەداتە 100 هەزار خێزانی هەژار و کەم داهاتی کەرتی غەززە.
کەرتی غەززە ماوەی 15 ساڵە لە لایەن ئیسرائیلەوە گەمارۆی ئابوریی لە سەرە./.
تێبينيێك بنێرە: