بڕیاری دەستبەسەرکردنی عەلی حاتەم سولێمان دەرکرا
(0) /
دادگای نەجەف بڕیاری دەستبەسەرکردنی عەلی حاتەم سولێمان لە کەسایەتییە دیارەکانی هۆزەکانی سوننەی عێراقی دەرکرد.
بە هۆی سکاڵای ژمارەیەک لە بنەماڵەی شەهیدانی عێراق، دادگای نەجەف بڕیاری دەستبەسەرکردنی عەلی حاتەم سولێمان ی دەرکرد.
ناوبراو کە وەک میری هۆزی دلێم ناوی دەبرێت، مانگی ڕابردوو بە شێوازێ لەناکاو گەڕایەوە عێراق.
سولێمان لە لایەنگران و پاڵپشتیکارانی سەرەکیی خۆپێشاندانەکانی ناوچە سوننەنشینەکانی عێراق لە ساڵی 2014 و کۆتایی دەسەڵاتەکەی نوری مالیکی بووە کە ئەو خۆپێشاندانانەش گەیشتە سەرهەڵدانی داعش و داگیرکردنی یەک لە سەر سێی خاکی عێراق.
ناوبراو بە هاوکاریکردنی گرووپە تیرۆریستییەکان لە عێراق تۆمەتبارە.
گەڕانەوەی عەلی حاتەم سولێمان کاردانەوەی توندی هەندێک لایەنی سیاسی عێراقیی لێکەوتەوە./.
تێبينيێك بنێرە: